Tadbir tashkilotchisi sifatida, 10 dan ortiq xalqaro va 5 ta milliy tashkilotlar ko‘magida, O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati tomonidan maydonga chiqayapti. Kongressning bosh homiy-tashkilotchisi- Eriell Group kompaniyasi hisoblanadi.
Kongressning asosiy tadbiri- “Oʻzbekiston madaniy merosi jahon toʻplamlarida” turkumidagi 10 ta yangi kitob-albomlar (51-60 jildlar) taqdimoti boʻladi. Shunday qilib, dunyoning 25 dan ortiq davlatidan, dunyoga mashhur 100 kutubxona va muzeylardan 350 dan ortiq olimlar ishlagan tasvirli kitob-albomlar to‘plami bugungi kunda 60 jildga yetdi.
Bundan tashqari, qadimiy qo‘lyozmaning noyob nashri taqdimoti ham rejalashtirilgan. Yevropaning yetakchi nashriyotlaridan biri Mueller&Schindler o‘zbek zaminining buyuk farzandi, munajjim Mirzo Ulug‘bek buyurtmasi asosida yaratilgan eng nodir qo‘lyozmaning faksimilesini namoyish etadi. Fransiya Milliy kutubxonasi fondida saqlanayotgan ushbu nodir qadimiy qo‘lyozmaning tarixiy qiymati va haqiqiyligiga shubha yo‘q.
Shuningdek, “Xalqlarni birlashtiruvchi meros: Markaziy Osiyo va Ozarbayjon”, “Butunjahon jamiyati faoliyatining yangi yo‘nalishlari: rejalar va istiqbollar”, “Milliy muzeylar va kolleksiyalar Butunjahon jamiyati diqqat markazida” kabi mavzulardagi davra suhbatlari ham, Kongressning yorqin daqiqalari bo‘ladi.
Bundan tashqari, Kongress doirasida Oʻzbekiston sanʼati haqidagi ikkita noyob kitob taqdimoti boʻlib oʻtadi. Bu sovg’aga mo’ljallangan nashrlar “Orol va Amu qirg‘oqlarida. Qoraqalpoqlar san’ati” va “Ornament: estetika, sehr, ma’no” deb atalgan kitoblardir.
22 iyul kuni Samarqand shahridagi Yoshlar ijod saroyida “O‘zbekiston madaniy merosi zamonaviy ilm-fan diqqat markazida” xalqaro ilmiy anjumani bo‘lib o‘tadi.
23 iyul kuni “O‘zbekiston madaniy merosi – yangi Renessans poydevori” VI Xalqaro Kongressining tantanali ochilishi bo‘lib o‘tadi.
Ikki kun davomida dunyoning 35 dan ortiq davlatidan kelgan taniqli sharqshunos olimlarning O‘zbekiston va Markaziy Osiyo mamlakatlari madaniy merosiga oid 100 dan ortiq ma’ruzalari tinglanadi.
Kongress ishida, nomi dunyoga taniqli 250 dan ortiq sharqshunos- olimlar, shu jumladan 33 nafar mashhur xalqaro muzeylar direktorlari, 15 nafar milliy muzeylar direktorlari, 6 nafar xalqaro tashkilotlar vakillari, 15 nafardan ortiq akademiklar, 20 dan ortiq professorlar, 20 dan ortiq fan doktorlari ishtirok etadi.
– “O‘zbekiston madaniy merosi jahon to‘plamlarida” loyihasini Yangi O‘zbekiston siyosatining, Prezidentimiz Shavkat Mirziyoyev tomonidan madaniyat sohasida olib borilayotgan islohotlarning eng yorqin natijalaridan biri deb bemalol aytish mumkin. O‘zbekistonni rivojlantirish strategiyasiga muvofiq, hali 2016-yildan boshlab O‘zbekiston madaniy merosini o‘rganish, saqlash va ommalashtirish masalasi davlatimiz siyosati darajasiga ko‘tarilib, bu yondashuv, Prezident va hukumatning e’tibori- butun dunyo tan olgan yuksak samarali natijalarni bermoqda. Biz, Kongressni tashkil etishda ko‘mak ko‘rsatgani uchun, mamlakatimiz hukumatiga minnatdorchilik bildiramiz.Shuningdek, loyihani tashkil etilgan kunidan boshlab, qo‘llab-quvvatlab kelayotgan doimiy bosh homiysi va tashkilotchsii Eriell Group kompaniyasiga ham o‘z minnatdorchiligimni bildirmoqchiman”, – dedi O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati raisi Firdavs Abduxoliqov.
Kongress ishtirokchilari nomiga hozirdanoq o‘nlab murojaat va tabrik so‘zlari kelib tushdi.
Misol tariqasida, “Al-Furqon” Islom merosi jamg‘armasining ijrochi direktori Soli Shohsivariy “O‘zbekiston madaniy merosi” loyihasi mamlakatlar va xalqlarni yaqinlashtirishiga ishonch bildirdi.
