Anjumanda O‘zbekiston va jahon davlatlarining taniqli sharqshunos olimlari, xalqaro tashkilotlar vakillari, kutubxona va muzeylar direktorlari ishtirok etdilar.
Tabrik so’zida, “O‘zbekiston madaniy merosi jahon to‘plamlarida” loyihasining doimiy ilmiy rahbari, akademik Edvard Rtveladze xotirasiga bag‘ishlangan “Xotiralar” kitobining taqdimoti bo‘lib o‘tdi.
Keyin ishtirokchilar tematik sho’balarga bo'lindi. Birinchi sho’bada kitob-albomlar mualliflari, o’zlarining 2021-yil – 2022-yilning birinchi yarmida tayyorlangan nashrlarini taqdim etdilar.
Ikkinchi sho’ba ishtirokchilari “O‘zbekiston madaniy merosi jahon to‘plamlarida” loyihasining nashriyot faoliyatining istiqbolli yo‘nalishlarini muhokama qildilar.
Uchinchi sho’ba Markaziy Osiyo arxeologiyasi va san'ati tarixining dolzarb masalalariga bag'ishlangan.
Har uchala sho’ba ishtirokchilari tadbir davomida dunyoga mashhur sharqshunos olimlarning ma’ruzalarini tingladilar.
Ma’ruzachilar o‘tmishning hayratlanarli tilsimlariga to‘xtalib o’tdilar, olimlar O‘zbekistonning afsonaviy sirlangan kulolchilik buyumlari qanday yaratilgani, Hindistondagi Boburiylar yodgorliklaridagi bitiklarda insoniyatga qanday xabarlar yashiringani, uzoq Shvetsiyada o‘zbek san’atining qanday noyob eksponatlari saqlanayotgani, kartografik makon nechta Kaspiy dengizini sig'dira olishi, butun ilm olami qiziqadigan O'zbekistonning eng nodir Qur'onlari qayerda saqlanishi, bir necha asrlar ilgari Markaziy Osiyoda otlar qanday bezatilgani haqidagi va boshqa savollarga javob berishga harakat qildilar.
Eslatib o‘tamiz, har uchala sho’bada dunyoning 40 dan ortiq davlatidan 50 dan ortiq olimlar ma’ruza qildilar.
