O’zbekiston madaniy merosini o’rganish, asrash va ommalashtirish bo’yicha Butunjahon jamiyatining VI Xalqaro kongressi ishtirokchisi sifatida u “Tatariston Respublikasi milliy kolleksiyasida “Turkiston” to‘plamlarining shakllanish tarixi”ga bag‘ishlangan ma’ruza bilan qatnashdi
— Samarqandga, umuman, O‘zbekistonga birinchi marta kelishim va shuni aytamanki, bu shahar meni hayratda qoldirdi. Bu bir umrga unutilmas tajriba, axir biz tarixchilar sifatida bularning barchasini o'rganamiz, lekin bu tarixni o'z ko'zimiz bilan ko'rish – bu shahar tarixining ajoyib obidalari, barcha yutuqlar va me'morchilik ko'lami biz uchun juda muhim. Bunday imkoniyat uchun kongress tashkilotchilaridan minnatdorman.
Loyihadagi ishtirokimiz haqida gapiradigan bo’lsak, shuni aytamanki, hali 2017-yilda muzeyimizga O’zbekiston madaniy merosini o’rganish, asrash va ommalashtirish bo‘yicha Butunjahon jamiyatidan akademik Edvard Rtveladze imzolagan maktub kelib tushgan va biz kolleksiyalarimizda O’zbekiston bilan bog’liq bo’lishi mumkin bo’lgan eksponatlarni aniqlashni boshladik.
Bizda XX-XXI asrlarga oid juda koʻp buyumlar borligi aniqlangan, lekin bizni hunarmandchilikning rivojlanishini tavsiflovchi, matolar va zargarlik buyumlarining estetikasini koʻrsatadigan keyingi davr buyumlari koʻproq qiziqtirardi. Muzey xodimlarining katta mehnati natijasida ushbu loyihada ishtirok etish uchun kolleksiyani shakllantirish mumkin bo’ldi. Yangi kitob-albom uchun kolleksiyamizdan 56 ta buyum tanlab olindi – bular metall, kiyim-kechak, kashtachilik, zargarlik buyumlari va kulolchilik buyumlari, ya’ni madaniyatlarimiz chuqur bog’liqligi va o’zaro bir-biriga singishi tasdig'i bo’lgan juda qiziqarli namunalardir. Zero, O‘rta Osiyoning har ikkinchi aholisi Qozon etikida yurgan deb bejiz aytishmagan. Men buning tasdig’ini etiklar turgan Samarqand muzeyida topdim.
Albatta, “O’zbekiston madaniy merosi jahon to’plamlarida” loyihasining o‘zi haqida gapirmasdan ilojim yo‘q – u noyob va men tushunganimdek, o‘xshashi yo‘q va uni ortiqcha baholash qiyin. Va, ehtimolki, bu har bir muzey va universitetning orzusi o’z kolleksiyasida bu kabi o’zida ulkan ma’lumotlarga jamlagan bebaho boylikka bo’lish.
