Samarqand shahridagi Yoshlar ijodi saroyida “O‘zbekiston madaniy merosi zamonaviy ilm-fan diqqat markazida” mavzusidagi xalqaro ilmiy anjumanning ochilishi bo‘lib o‘tdi. U Butunjahon jamiyatining “O‘zbekiston madaniy merosi – yangi Renessans poydevori” VI Xalqaro kongressi arafasida bo‘lib o‘tmoqda.
Anjuman davomida ishtirokchilarga tabrik so’zlari bilan jamiyat boshqaruvi raisi Firdavs Abduxoliqov; akademik, “O‘zbekiston madaniy merosi jahon to‘plamlarida” loyihasi tahririyati raisi Akmal Saidov; O‘zbekiston Fanlar akademiyasi vitse-prezidenti , tarix fanlari doktori, Respublika Fanlar akademiyasi Sharqshunoslik instituti direktori Baxrom Abduxalimov, shuningdek, Islom tarixi, sanʼati va madaniyati ilmiy-tadqiqot markazi bosh direktori Mahmud Erol Qilich (Turkiya) so’zga chiqdilar. Nutqlar oralig‘ida, ekranda, O‘zbekistonning madaniy hayoti va Butunjahon jamiyati loyihalariga bag‘ishlangan videofilmlar namoyish etildi.
“Prezident Shavkat Mirziyoyev tashabbusi bilan amalga oshirilayotgan mazkur loyiha yangi O‘zbekistonda amalga oshirilayotgan islohotlar samarasining yaqqol ko‘rsatkichidir. Yangi O'zbekistonning rivojlanayotgan besh yili davomida, hozir bo'lganlarning barchasi ushbu loyihaga o’z hissasini qo'shgan. Bunda qator davlat tashkilotlari, jamoat arboblari va tashkilotlari, xorijiy ilmiy-tadqiqot tashkilotlari va, albatta, siz-olimlarning hissasi bor. Hammamiz birlashgan holda juda yaxshi va zarur ishni qilyapmiz. O‘zbekistonning madaniy merosi, hammamiz bu haqda gapirayapmiz, butun insoniyatning merosidir. O‘zbekiston va butun Markaziy Osiyo madaniyatlar, sivilizatsiyalar, dinlar va imperiyalar chorrahasidir. Ipak yo‘li chorrahasida joylashgan ushbu mintaqaga dunyoda qiziqish borligi sababli, bu mintaqa haqida gapirishimiz juda muhimdir”, — dedi Firdavs Abduxoliqov.
Yig‘ilganlar Jamiyatning yaratilishiga asos solganlardan biri, akademik Edvard Rtveladze xotirasi uchun bir daqiqalik sukut saqlab, hurmat bajo etishdi. Olim xotirasiga bag‘ishlangan tadbirda jamiyat boshqaruvi a’zosi, Mixo muzeyining (Yaponiya) maxsus xodimi Sergey Laptev ma’ruza qildi. Rtveladzega bag‘ishlangan videorolik ham namoyish etildi.
Loyihani qo‘llab-quvvatlab kelayotgan ERIELL Group xalqaro neft-servis kompaniyasi homiysi, boshqaruvi raisi Baxtiyor Fazilovning Kongress ishtirokchilariga tabrik maktubi o‘qib eshittirildi. “Loyiha paydo boʻlgan dastlabki kunlardanoq, ushbu tashabbusni qoʻllab-quvvatlash bizga nasib etgani- biz uchun katta sharaf boʻldi, chunki biz yangi Oʻzbekistonda, yerimiz asrayotgan va ko’paytirayotgan ulkan salohiyatni oʻrganish va oshirish boʻyicha olib borilayotgan ishlar muhimligini yaxshi tushunamiz”, deya ta’kidladi Fazilov.
Jamiyatning VI Xalqaro kongressi ishida dunyoga mashhur 250 dan ortiq sharqshunos olimlar ishtirok etadi. Ular orasida 33 nafar mashhur xalqaro muzeylar direktorlari, 15 nafar milliy muzeylar direktorlari, 15 nafardan ortiq akademiklar, 20 dan ortiq professorlar, 20 dan ortiq fan doktorlari bor.
https://www.dialog.tj/news/v-samarkande-otkrylas-konferentsiya-kulturnoe-nasledie-uzbekistana-v-fokuse-sovremennoj-nauki
