Taʼlim, fan va madaniyat masalalari boʻyicha Butunjahon islom tashkiloti (ICESCO) 2022 yil 21-24-iyul kunlari Oʻzbekiston Respublikasining Samarqand shahrida “Oʻzbekiston madaniy merosi” VI Xalqaro kongressida ishtirok etdi. Kongress “O'zbekiston madaniy merosi - yangi Renessans poydevori mavzusida boʻlib oʻtdi.
Qator mutaxassislar, ekspertlar, ixtisoslashgan xalqaro va mintaqaviy tashkilotlar vakillari ishtirok etgan congress, o‘zbek merosining qadr-qimmatini oshirish va ommalashtirish, shuningdek, “O‘zbekiston madaniy merosi jahon to‘plamlarida” multimedia loyihasini amalga oshirish bosqichlarini muhokama qilishdan iborat, bu loyiha o‘zbek merosining yurtimiz va xorijda saqlanayotgan durdonalarini kataloglashtirish orqali ommalashtirishga qaratilgan.
Kongress ochilishida ICESCOning madaniyat va kommunikatsiyalar sektori rahbari, doktor Mohamed Zinelabidin videomurojaatida, Tashkilotning O‘zbekistondagi davlat va xususiy idora va muassasalar bilan mamlakatning moddiy va nomoddiy qadriyatlarini himoya qilishda hamkorlik qilish istagini ta’kidladi. Shuningdek u, bir nechta harakat rejalari va loyihalari orqali islom olami merosi qiymatini oshirishga qaratilgan ICESCO ning yangi qarashlari, ya’ni «ICESCO’s Roads for the Future» sivilizatsiyaviy loyihasi haqida gapirdi.
Madaniyat va kommunikatsiyalar sektori eksperti janob Bilel Shebbi o‘z nutqida, ICESCOning islom olamida madaniy merosni saqlash sohasida, xususan, ushbu sohada tajriba markaziga aylangan Islom olami butunjahon merosi markazini yaratish borasidagi qarashlari, harakat strategiyasi va sa’y-harakatlari haqida gapirdi.
Oʻzbekistonning yettita obʼyekti ICESCO Islom Butunjahon merosi roʻyxatiga kiritilgan boʻlib, vakolatli organlar ularning qiymatini oshirish va ICESCO bilan hamkorlikda obʼyektlarni boshqarish rejalarini ishlab chiqish ustida ishlamoqda.
https://www.icesco.org/en/2022/07/25/icesco-takes-part-in-international-congress-in-samarkand-on-uzbekistans-cultural-heritage/
