Bugun Sankt-Peterburgda “O‘zbekiston madaniy merosi – xalqlar va mamlakatlar o‘rtasidagi muloqotga yo‘l” Ikkinchi xalqaro kongressi ochilmoqda.
Kongress O‘zbekiston elektron ommaviy axborot vositalari milliy assotsiatsiyasi tomonidan “O‘zbekiston madaniy merosi jahon to‘plamlarida” xalqaro multimedia loyihasi doirasida o‘tkazilmoqda. Unda dunyoning 30 dan ortiq davlatidan 200 dan ortiq olimlar, ekspertlar, diplomatlar, davlat, jamoat va xalqaro tashkilotlar, ommaviy axborot vositalari vakillari ishtirok etadi. Kongress ishiga O‘zbekiston, Avstriya, Buyuk Britaniya, Germaniya, Eron, Rossiya, Polsha, Fransiya, Turkiya, Chexiya, Shvetsiya, Yaponiya va boshqa davlatlardan yirik muzeylar va ilmiy muassasalar rahbarlari va direktorlari jalb etilgan.
Kongressning asosiy tadbiri Rossiya Fanlar akademiyasining Gorkiy nomidagi Olimlar uyida boʻlib oʻtadi. Ertaga ochilayotgan yalpi majlis O‘zbekiston arxeologiyasi, tarixi, sharq qo‘lyozmalari, numizmatika, to‘qimachilik, amaliy san’at va rassomlik san’atiga oid yetti sho'bali' ilmiy munozaralar bilan to‘ldiriladi.
Bugun kongress doirasida Rossiya etnografiya muzeyi, Rossiya Fanlar akademiyasi Sharq qoʻlyozmalari instituti, Rossiya Milliy kutubxonasi, Davlat din va tarix muzeyi va boshqalarida madaniy meros va oʻzbek sanʼati asarlariga oid koʻrgazmalar ochiladi.
Tadbir oldidan Peterburgga olimlar, ekspertlar va jurnalistlar yetib kelishdi.
